-من شوية كدة

بعتت لكل عملائها خصوصاً مشتركين ال Business أنهم بيوفروا خدمة Social Media Marketing من خلال باقة جديدة أسمها “ريدي ديجيتال”.

-الباقة دي حسب موقع فودافون “بتقدملك فرصة توصل لعملائك من خلال السوشيال ميديا، وبتدفع في حدود ميزانيتك”.

-الكلام لحد هنا حلو ولو أنه غريب جداً ان شركة متخصصة في مجال ال Telecommunication تخش مجال زي الDigital Marketing لعملاء تانيين في الوقت اللي أكاونتاتهم بيتم إدارتها من خلال Agencies تانية، بس ما علينا من ده برضه مش دي القضية.

-قلنا ناخد جولة كدة في (باقات) السوشيال ميديا عندهم وهنا جت الصدمة، فودافون بتبيع حتمسك الصفحة ب200 جنيه في الشهر وحتعمل بوستين وتوصلك البوست ل500 ريتش وقضيت المصلحة على كدة.

الموضوع مريب وغير مفهوم وفيه سبوبة أول مرة الواحد يشوفها علني كدة، وفودافون بقت زيها زي أخوانا الحيتان وصفحات وشركات بير السلم اللي بتعملك إعلان ممول ووصول ب100 ألف شخص ب500 جنيه.

-للتبسيط أنت حتخش الموقع تختار الباقة وتحط البيانات بتاعتك وبيانات شركتك، وبعدها من خلال الموقع بيبعتولك الديزاينات وأنت توافق عليها أو لا وكل ده من غير أي تدخل منك.

-أنت متخيل أن أي عميل حيتفشخر كدة ويقولك دي فودافون اللي ماسكة لي صفحتي يا جدع! وبيعملولي 8 بوستات بديزاينتها ب750 جنيه بس!!

-الأكيد أن الفكرة حتيجي مع الناس جداً في الأول وفي عملا كتير حيطلبوا الخدمة، بس توقعي الشخصي أنها مش حتنجح لعدة أسباب أن التعامل مع العملا وطلباتهم صعب يكون من خلال أيميلات وويبسايت وبس على كدة، ده غير هل فودافون حتقدر توظف ناس مهمتها تعمل شغل لعدد العملا الكبير اللي حيجي الفترة الجاية ويقدروا يقدموا محتوى وديزاينز مقبولة؟! طب أفرض أنا مطعم أو مكان بيبيع منتجات حبعتلكم صور المنتجات وتعملولي أكتر من صورة وديزاين ليها إزاي؟ طب لو عندي حاجة ضروري هل حقدر أتواصلي معاهم بسهولة وينفذوا اللي عندي؟

-كل دي أسئلة بتدور في دماغنا، وتوقعي الشخصي أنها حتكون ناجحة جداً في بدايتها من حيث إقبال الناس عليها بس شهرين بالكتير والناس حتستغنى عن الخدمة ويرجعوا للشركات المتخصصة تاني او حتى لفريلانسر.

-بشكل عام اللي فكر في النصباية دي عارف المصريين ودارسهم كويس وفودافون حتكسب كويس أوي منها، بس شكلها مش شيك ومش حيطلع حلو زيها زي فكرة الويبسايتس اللي كانت بتعملها أورانج لعملاء البيزنس عندهم وكان شكلها حقير جداً.

لينك النصباية: