مطعم أكلات ايطالية في مدينة كاليفورنيا اسمه بوتو بيسترو عمل عرض لطيف جدا لزباينه .
أي حد حيخش على موقع Yelp المتخصص في تقييم الناس للمطاعم و يدي المطعم في الريتنج 1من5 ليه خصم 25% على اي حاجة حيطلبها.
صاحب المطعم ديفيد شيرتيني لما عملوا معاه لقاء صحفي قالهم ان العرض ده احسن حركة عملها من سنين طويلة ، السبب الرئيسي للعرض ده حسب كلام ديفيد أن موقع Yelp كانوا بيتصلوا بيه فوق ال20 مرة في الأسبوع عشان يعمل اعلانات عندهم وبيبتزوه عشان يدفع لهم فلوس مقابل انهم ما يعرضوش آراء سلبية كتيرعن المطعم ويعلوا الريتنج.
وفعلاً هو دفع لهم 270 دولار لمدة 6 شهور عشان يحلوا عن سماه من الاخر، بس بعد ما ال6 شهور خلصوا رفض يدفع تاني فبدأوا يبتزوه، ورغم ان الراجل قال ان جاله تهديدات من الموقع عشان يوقف الحملة دي بس أكد انه مش حيتراجع وهكمل للاخر وانه بالحركة دي مهتم بالناس اللي عندها فعلا انتماء للمطعم والموضوع مش مجرد حاجة مضحكة وخلاص.
موقع المطعم نزل بيان بيشكر كل زباينه عشان المطعم بقى رسميا أسوأ مطعم على موقع Yelp .
طبعا الناس دخلت الموقع و ماتوصتش في كمية كلام يهلك من الضحك
تقدروا تتابعوا التعليقات من هنا :
بعد ما انتشر ظهر صاحب المطعم في برامج أمريكية مشهورة زي The Daily Show ولو فتحت موقع المطعم دلوقتي هتلاقي ديفيد شيرتيني صاحب الموقع لسة بيشتم في Yelp لحد النهاردة وتحديداً الCEO جيريمي ستوبلمان ودي سكرين شوت للكلام اللي كاتبه
لز انت مكان المدير التنفيذي لYelp كنت هتتصرف إزاي؟
