– لينكدإن صفحتهم كانت لايقة بصفحة موظفين فعلاً كل اللي كاتبينه تاريخ بداية البلاتفورم وشوية إحصائيات.

-بينتريست قالوا على نفسهم “لما تدور على الأفكار العظيمة، أنت عارف حتلاقيها فين”، بمعنى أصح هما بيقولوا إحنا مكان -مستودع- أفكار مش بلاتفورم.

-سنابشات جابوا من الأخر وقالوا على نفسهم “شركة كاميرات”، ولا سوشيال ميديا بلاتفورم ولا أي حاجة من دي.

نخش بقى على فيسبوك اللي كاتبين صراحةً كدة إحنا يا جماعة مهمتنا نخلي الناس تتواصل مع بعض ونخلي العالم أقرب ونوصل العيلة والصحاب مع بعض، نفس الكلام تقريباً بس بصيغة مختلفة حتلاقيه على انستجرام الأبن المدلل لفيسبوك.

-الملخص من كل ده أنه مفيش حد عايز يحط نفسه في مقارنة مع فيسبوك، كله بيقول برة عني لانهم عارفين أنه مفيش مقارنة من الأساس، تويتر دايس في سكة الأخبار والأحداث التريندي أكتر، بينتريست مركز على الأفكار وانتشارها، سنابشات اللي كلنا بيقول منافس قوي لفيسبوك بعدوا عن السكة دي وبيركزوا أكتر على الكاميرات، ليظل نفس السؤال أمتى حتيجي بلاتفورم تقدر تنافس فيسبوك خلال ال5 سنين الجايين؟
#سوشيال_مينيا