أعلن فيسبوك أنه حينزل تحديث لكل المستخدمين أنك تقدر ترفع الGif مباشرةً على فيسبوك بدل ما كنت الأول بتضطر ترفعها على Giphy وبعدها تاخد اللينك وتحطه في البوست واللفة الطويلة دي، لسة الأبديت موصلش لناس كتير، مسموح لك ترفع لحد 20 ميجا لمساحة GIF الواحد، خطوة موفقة منهم وحتوفر علينا كتير، هل بقي حنعرف الترافيك بتاع للGIFs زي الفيديوهات ولا حيتعامل زي الصور لسة مش معروف.

التحديث التاني لذيذ جداً الصراحة ?، حيبقى متاح ليك أنك تحط الصفحات اللي انت أدمن فيها في المعلومات بتاعك على البروفايل يعني أدمن في مدرسة الحب و Admin at Facebook حتبقى حقيقة مش خيال ??، الموضوع فايدته حتبقى شهرة أكتر للأدمن او المانجر ده مش أكتر غير كدة مالوش أهمية كبيرة.