أعلن موقع فيسبوك انه بدأ يجرب خاصية الStories خلال الفترة الجاية في دولة ايرلندا وبعدها حيبدأوا يتيحوا الميزة لكل الدول.
اللي ميعرفش ايه هي الStories هي ميزة اول ناس بدأوا كانوا Snapchatt بتخليك تنزل صورة او فيديو وبيتمسح بعدها ب24 ساعة، ودي الفكرة اللي قام عليها الموقع، المهم فيسبوك في شهر 8 اللي فات اخدوا الStories دي copy Paste بدون اي إضافات وببجاحة حطوها في انستجرام وفعلاً بدأ الناس تستخدمها وناس كتير اتوقعت انه سناب شات ينهار بس ده محصلش ومش موضوعنا.
الحاجة الوحيدة اللي مكنتش موجودة كانت الأشكال اللي بتعملها في الصور والفيديوهات زي صور البنات اللي بكلاب وزهور دي ?.
الStories بتاعة فيسبوك بقى حيبقى فيها موضوع الفيديوهات ده وكمان الStoryy حتتمسح بس الصور والفيديوهات حتفضل على التايملاين عندك في حسابك الشخصي.
يعني كلها كام يوم وحتلاقي اسير الأحزان والبوب الجامد بينزلوا Storiess وليهم فيوز كتير، وحسبي الله ونعم الوكيل.
الصور دي بتوضح الشكل اللي حيبقى عليه الStories.
المصدر:
on.mash.to/2k0X6tN