فيسبوك أعلنوا امبارح على المدونة بتاعتهم انهم بدأوا يطبقوا خاصية جديدة بتوضح للمستخدمين انه لينك الخبر إللي مشيره ده خبر صح ولا خبر غلط غرضه يجيب ترافيك.
كل ده حصل بسبب الانتخابات الرئاسية في أمريكا اللي بعد فوز ترامب المفاجئ ناس كتير اتهموا فيسبوك انه كان سبب محوري في فوز ترامب وخسارة كلينتون.
كان في دراسة اتعملت في 2016 بينت انه 6 من كل 100 مواطنين امريكيين بالغين بيعرف اخبار البلد عن طريق السوشيال ميديا.
المشكلة هنا انه اغلب اللي صوت لترامب كان من كبار السن(المواطنين الشرفاء) وكان سبب كبير أخبار وتسريبات كتير مغلوطة كانت بتتنشر ضد منافسة ترامب هيلاري كلينتون.
طبعاً الهجوم الكبير على فيسبوك ده خلى مارك زوكربيرج يطلع يقول انه الشركة عليها مسئولية على المعلومات اللي بتتنشر على الموقع مش التكنولوجيا بس.
وبدأ الموقع يعمل موضوع التبليغ عن الأخبار المغلوطة وكمان حيحللوا اللينكات دي ويحذروا الناس منها ويقللوا الريتش بتاعها على الfeed.
نائب رئيس قسم الnewsfeed آدم موسيري قال انهم حيجربوا الموضوع في ألمانيا الاول ويحللوا مشاكله وبعدها حيطبقوه في باقي الدول بالتتابع.
طبعاً كدة نقدر خلال سنة نودع باذن الله اليوم السابع والوطن وكل مواقع الترافيك القذرة دي. 
???
ده شكل الريبورت على الفيسبوك :
