هل #الهاشتاج مهم على الفيسبوك؟
ده سؤال دايماً اي شخص بيدير صفحة عالفيسبوك او حتى يورز عادي بيسأله ، ايه تأثير استخدام اي هاشتاج على الفيسوك وهل بيساعد في انتشار الPost اللي انا بكتبه ولا لا ؟.
-قبل ما استرسل في الموضوع حكلم انه من اوائل الPlatforms اللي استخدمت الهاشتاج تويتر اللي كان ومازال الهاشتاج جزء رئيسي من اسلوب استخدام الUsers للموقع،في اطار سعي الفيسبوك دايماً انه يشوف مميزات منافسينه ويستغلها لصالحه اعلنوا في 2013 عن تفعيل الهاشتاجات على الموقع وانه بقى متاح لاي شخص يستخدم الهاتشاجات في الPosts بتاعته زي بقية المواقع التانية : تويتر، انستجرام ، تمبلر،…. وغيرهم.
-خبر زي ده كان مفرح جداً لمعظم الناس خصوصاً اللي كانوا بيميلوا لاستخدام تويتر والهاشتاجات تحديداً لتحقيق نسبة انتشار كبيرة ، مش بس كدة كان مهم لفيسبوك نفسه كمان عشان يزود استخدام الناس لل Graph Search اللي نزله الموقع من يناير 2013، ولكن مع الوقت حصل احباط لقطاع كبير من الناس لانهم لاحظوا ان الهاشتاج “مالوش تأثير” كبير على انتشار بوستاتهم وبقى استخدام الناس ليه لمجرد لفت الانباه للونه الازرق في وسط الكلام ، وبالنسبة للشركات عشان يعرفوا متابعينهم باسم حملة هما عاملينها او شيء من هذا القبيل.
-موقع Social Bakers عمل Analysis بعد مرور 6 شهور على تفعيل الهاشتاجات على الفيسبوك في الفترة من 1 ل14 فبراير 2014 على 200 الف بوست وكان بيقيس النسبة بين عدد الهاشتاجات في البوست لعدد التفاعل ، لقوا انه عدد هشاتاجات اقل = تفاعل اكتر
الصورة: http://bit.ly/2dKvwS1
-موقع BuzzSumo في 2016 عمل تحليل لاكتر من مليار بوست لحوالي 30 مليون صفحة براند على الفيسبوك حوالين استخدام البراندات دي لبوستات فيها هاشتاج او من غير والنتيجة كانت زيادة كبيرة للتفاعل على البوستات من غير هاشتاج على اللي بالهاشتاج. زي ما موجود في الصورة : http://bit.ly/2cGNrnv
-من وجهة نظري موضوع العلاقة العكسية بين الهاتشاج والتفاعل راجع لشخصية اليوزرز اللي على فيسبوك وتعودهم على نمط معين من استخدام للموقع مبيخلهمش متقبلين فكرة انه يبقى في تقليد من الموقع لمزايا مواقع اخرى، والنقطة الاهم انه البحث باللGraph Search سيء للغاية من فسيبوك ومحتاج تطوير خرافي لو هما فعلا عايزين ينافسوا جوجل ك Search Engine بعد ما تفوقوا على جوجل في ال Social Platform وفي طريقهم للتفوق في الفيديوهات كمان.
اللي نقدر نستفيده من المصادر دي كلها ممكن نقسمه ل4 نقط رئيسية :
1- قلل استخدام الهاشتاج على قد ما تقدر في شغلك
2- استخدامك لهاشتاجات كتير (بيقفل) منك متابعينك وفعلاً في ناس بتقلب البوست كأنه فرح والهاشتاجات دي الكهارب اللي بتنوره 
3- اربط استخدام الهاشتاج ب Campaign انت حتعملها كBrand غير كدة متستخدمهوش
4- بتحب الهاشتاج ؟ يبقى مكانك مش فيسبوك روح تويتر او انستجرام او حتى بينترست
على تويتر من 1 ل2 هاشتاج ،بينتريست من 2 ل3 وعلى انستجرام ممكن يوصلوا ل10 او اكتر كمان
