دايماً وانت في الشارع او المواصلات بتبقى عايز حاجة تسليك وفي نفس الوقت يبقى فيها إفادة والحل هنا في البودكاست، انا بحب البودكاست جدا واتعلمت منه كتير جداً جداً جداً سواء محتوى عربي او اجنبي.
في الفترة الأخيرة حصل تطور كبير في المحتوى العربي بقى يخليني اشغل البودكاست مش لمجرد التسلية بس لكن عشان استفاد، وفي المقال دي هرشحلكم افضل البرامج بناء على تجارب شخصية وهيتم تقسيم البرامج لبرامج عن التسويق والبيزنس بالمحتوى العربي والانجليزي وبرامج ترفيهية.
ملحوظة كل اللينكات على جوجل بودكاست.
– أولاً المحتوى العربي:
1- BME Business Made Easy
بودكاست لعلاء السجاع، لو عايز تعرف معلومات مش تقليدية في البيزنس وتجارب حقيقية عن الFamily Business ومهارات التفاوض وغيرها كتير جداً فأكيد هتسمع BME
اللينك من هنا: https://safyeldin.meBMEPodcast
2- Copy Cast
أحمد العشري في كوبي كاست بيشرحلك البراندنج بطريقة لذيذة وجميلة ممكن يفهمها أي حد ويحبها حتى لو مش مهتم بالمجال أصلا.
اللينك من هنا: https://safyeldin.meCopyPodcast
3- خمسة بيزنس
يوسف العقاري هنا بيتكلم في مواضيع مختلفة خصوصاً جزئية الإعلانات والستراتيجي وبيشرح بطريقة سهلة جداً الموضوع من غير مصطلحات مجعلصة.
اللينك من هنا: https://safyeldin.meKhamsaPodcast
لو انت شغال في الديجيتال ماركتنج او عندك بيزنس في مجال ال Ecommerce – التجارة الإلكترونية فالبودكاست ده معمول عشانك، محمد سلامة عامل مجهود ومحتوى قوي جداً.
اللينك من هنا: https://safyeldin.meECommercePodcast
5- خضر وبيزنس
كالعادة د. محمد حسام خضر قادر انه يمتع وينور دماغك عن البيزنس والتوظيف وريادة الأعمال بطريقته السهلة الغير متكلفة وتوصلك المعلومة وتثبت جوة متطلعش تعليقي السلبي الوحيد عدم وجود البرنامج على جوجل بودكاست.
اللينك من هنا: https://safyeldin.meKhedrPodcast
-ثانياً المحتوى الأجنبي:
من أهم برامج البودكاست الانجليش عن التسويق وبيتكلم عن مواضيع في الجول من غير الكلام المتزوق او نظريات مالهاش لازمة، مشكلتي الوحيدة معاه ان مقدم البودكاست لويس جيرنييه لكنته الانجليزي مزعجة شوية 
.
اللينك من هنا: https://safyeldin.meEveryonePodcast
بودكاست لنايل باتيل واحد من أهم الناس في مجال الديجيتال ماركتنج وميزة البودكاست ان كل حلقة من 4 ل7 دقايق هتاخد الخلاصة يعني.
اللينك من هنا: https://safyeldin.meMSchoolPodcast
8- The GaryVee Audio Experience
نتفق او نختلف على جاري في بس هو ليه جمهوره ونظرياته في التسويق والبيزنس.
اللينك من هنا: https://safyeldin.meGaryVeePodcast
9- Akimbo: A Podcast from Seth Godin
إذا ذكر اسم سيث جودن فلازم نتكلم عن ال Permission Marketing وال Inbound ومن أهم المؤثرين في عالم الديجيتال ماركتنج، البودكاست مش هتلاقيه دايماً بيتكلم في البيزنس والماركتنج بطريقة مباشرة، سيث ليه طريقة مختلفة في توصيل المعلومة وساعات مش هتلاقيها سهل بس هتحبها.
اللينك من هنا: https://safyeldin.meAkimboPodcast
– ثالثاُ المحتوى الترفيهي والثقافي:
10- دوم تك
انا بعشق البودكاست ده لأنه بياخدني في مود مختلف وبيعرفني على فنانين وأنواع فن مكنتش اعرف عنهم حاجة.
اللينك من هنا: https://safyeldin.meDomTakPodcast
11- رموز
اعرف عن الشخصيات التاريخية – لهم ما لهم وعليهم ما عليهم – بصوت حسني مبارك لو عايز تعرف عن اسمهان او نيلسون مانديلا او أم كلثوم وغيرهم كتير فلازم تسمع رموز.
اللينك من هنا: https://safyeldin.meRomuozPodcast
12- لحظة
في لحظات غيرت العالم زي قصة نتفلكس او الحشاشين وقصة الجمهورية العربية المتحدة وحكايات مختلفة هتعجبكم.
اللينك من هنا: https://safyeldin.meLahzaPodcast
13- ساندويتش ورقي
هو مش برنامج يعتبر قناة كملة فيها مجموعة برامج مع بعض بتتكلم عن البيزنس وتطوير الذات والثقافة والفن اسمع المهم هتستفيد.
اللينك من هنا: https://safyeldin.mePaperPodcast
14- كوبايتين قهوة
وأنت بتسمع البودكاست هتضحك وتعرف عن شخصيات كتير يستحقوا الناس تعرف عنهم وتستفاد من قصصهم.
اللينك من هنا: https://safyeldin.meKobaytenPodcast
دي الحاجات اللي بحب اسمعها وبحس بإضافة حصلتلي قبل ما أسمع وبعد ما سمعت، تعليقي السلبي الوحيد ان المحتوى العربي مفهوش استمرارية وممكن تستمر شهر وبعدها توقف شهرين وبعدها ترجع تاني وده أعتقد بسبب ان البودكاست حاجة هامشية ومعمولة بمجهود ذاتي يشكروا عليه جداً.
أنا حاولت قبل كدة اعمل تجربة بسيطة لبودكاست بس اكتشفت أنها محتاجة مني شغل كتير وأنا لسة مش مستعد للموضوع ده علشان اطلعه بشكل أنا راضي عنه بس هكون حابب تبعتولي فيدباك للحلقة دي: https://safyeldin.meSMPodcastEp01
