ده مجمل أغلب الأخبار عن مصر الشمالية الجديدة في طريق الحرية والعدالة والديمقراطية اللي بينادي بيها السيسي.
اللي ميعرفش ميديم فهو موقع تواصل اجتماعي مخصص للتدوين والمقالات وبيستخدمه أغلب البراندات الكبيرة حالياً لو عايزين ينشروا أي تحديثات ليهم، وكمان أغلب رواد الأعمال في العالم بيستخدموه بإختصار شديد موقع ليه وزنه وأهميته.
الموقع ده يوم السبت اللي فات بليل أتحجب في مصر بدون إبداء أي أسباب أو تفسير.
مفيش ناس كتير أتكلمت عن الموضوع للأسف واللي أكلم كان أشخاص أو مواقع مصرية بس بينشروا باللغة الإنجليزية.
الأسباب اللي انتشرت عن سبب الحجب أنه الإخوان المسلمين وبعض المواقع المحسوبة عليهم استخدموا الموقع لنشر أخبارهم بعد ما مصر الشمالية حجب مواقعهم.
من الناحية التانية موقع ميديم منشرش أي تصريحات رسمية بخصوص الحجب وحتى لما تواصلت معاهم عن طريق الفيسبوك كان تعليقهم مقتضب جداً أنه بالفعل جالنا بلاغات ان موقعنا محجوب في بعض المناطق ولسة بنحقق في الموضوع.
عدد المواقع اللي اتحجبت في مصر حتى الآن اكتر من 45 موقع وكل يوم العدد مرشح للزيادة أخر موقع حصله كدة كان موقع جريدة البديل المعارضة، وممكن بكل سهولة نتوقع خلال الفترة الجاية حجب تويتر وفيسبوك ونبقى منعزلين بشكل فعلي عن العالم.

تحديث: 

موقع Medium رجع أشتغل عادي بدون أي أسباب زي ما أتحجب بدون أسباب، وواضح أنه حسب الأخبار اللي بتتقال حالياً أنه كل المواقع المحجوبة بما فيها المواقع القطرية ومواقع الإخوان اتشال عنها الحجب.
بلد غير منطقية بالمرة وبيتهألي غلطة غير مقصودة من اللي المصرية للاتصالات?